د امام علي (ع) په سپيڅلي حرم کې د محرم الحرام لپاره هراړخیز پروګرام + انځورونه

ایکنا – په نجف اشرف کې د  حضرت امام علي (ع) حرم مطهر، د محرم‌الحرام په رارسېدو سره دزیارتوالو  د پراخ او ولولناک شتون  شاهد دی. د علوي آستان مدیریت اعلان کړی چې د محرم‌الحرام په میاشت کې د حسینی شعائرو د احیا لپاره ئې یو هراړخیز پروګرام چمتو کړی دی.

یکنانیوز د عراق رسمي خبري اژانس په حواله راپور راکړی، د علوي  مقدس آستان مدیریت د محرم‌الحرام په میاشت کې د حسینی شعائرو د احیا لپاره هراړخیز پروګرام ترتیب کړی دی.

د علوي آستان د مدیریت شورا غړي حیدر العیساوي وویل: مقدس حرم  د محرم‌الحرام په میاشت کې د حسینی شعائرو د احیا او د امام حسین (ع) د مصیبت  او عزادارئ لمانځنې لپاره ئې یو جامع پروګرام چمتو کړی دی.

نوموړي زیاته کړه: دا پروګرام د محرم په لومړۍ لسیزې کې د زائرینو او عزاداري دستو د هرکلي، په علوي صحن او شاوخوا سیمو کې د عزادارئ دستو تنظیم او د امیرالمؤمنین (ع) مرقد ته نږدې د مشالو مراسمو په تنظیمولو تمرکز لري.

العیساوي وویل: حرم د زوړ کلي په خدماتی دستو د ملاتړ لپاره پروګرام چمتو کړی، چې پکې د څښاک اوبه، یخ، یخچالونه، د پاکوالي تجهیزات او د لومړۍ لسیزې په اوږدو کې د خوړو چمتو کول شامل دي.

د علوي آستان د معلوماتو برخې مرستیال  مشر جعفر البدیري وویل: مقدس حرم د محرم د رارسېدو په مناسبت بېلابېل پروګرامونه پلي کړي، له بیرغ پورته کولو مراسمو رانیولې بیا تر خدماتی، امنیتي او لوجستیکي چمتوالیو پورې، چې د عزادارئ دستو د حرم مطهر ته د ننوتو ملاتړ کوي.

نوموړي زیاته کړه: د علوي آستان او حسینی دستو ترمینځ د همغږۍ یو لړ غونډې ترسره شوي  څو خنډونه لیرې شي او د لومړۍ لسیزې په اوږدو کې د عزاداري دستو حرکت اسانه شي.

البدیري وویل: چمتووالي کې د مشعل‌ګرځولو مراسمو تنظیمول  هم  پکې شامل دی، چې هر کال د محرم د لومړۍ لسیزې په وروستیو دریو شپو کې ترسره کیږي.

د مشعل‌ګرځولو دودیز مراسم د تاسوعا او عاشورا په شپو ورځو کې د نجف اشرف په ښار کې د امام علي (ع) د حرم په شاوخهوا کې ترسره کیږي. دا مراسم د محرم په لومړۍ لسیزې کې ترسره کیږي، چې د اتمې شپې څخه پیل او تر عاشورا شپې دوام لري.

https://iqna.ir/fa/news/4291478